කොළඹ LNW:වසර හැටක් පැරණි ඉන්දියාවේ සුප්‍රසිද්ධ පාර්සි සඟරාව වසා දමා තිබේ. ඉන්දියාවේ මූල්‍ය අගනුවර වන මුම්බායි හි 1964 දී පාර්සි වෛද්‍යවරයෙකු වන පෙස්ටොන්ජි වෝඩන් විසින් මුම්බායි නගරයේ පාර්සි ප්‍රජාව පිළිබඳ වාර්තා කිරීම සඳහා මෙම පාර්සියානා සඟරාව ආරම්භ කර ඇත. පසුව එය ලෝකය පුරා පැතිරී ජීවත් වන පාර්සි ප්‍රජාවගේ ප්‍රධාන ප්‍රකාශන මාධ්‍ය කවුළුව බවට පත් වී තිබුණි.
වසර හැටක් පුරා පවත්වා ගෙන ගිය පාර්සියානා සඟරාව ග්‍රාහකයින් අඩුවීම, අරමුදල් නොමැතිකම සහ එය පවත්වාගෙන යාමට අනුප්‍රාප්තිකයෙකු නොමැති වීම හේතුවෙන්, එළඹෙන ඔක්තෝම්බර් මාසයේ දී වසා දමනු ඇතැයි වාර්තා වේ.
මෙය ඉතාමත් ශෝකජනක ආරංචියක් බව එම සඟරාවේ පැරැණි ග්‍රාහකයෝ පවසති.
“ඒක යුගයක අවසානය වගේ, ඔබ පාර්සියානා ගැන නොදැන සිටියා නම් හෝ ඒ ගැන කතා කළේ නැත්නම් ඔබ “සැබෑ පාර්සි” කෙනෙක් නොවන බව අපි විහිළුවට ලක් කළා.” යැයි 18 හැවිරිදි ශිෂ්‍ය සුෂාන්ත් සිං බීබීසී ප්‍රවෘත්ති සේවයට පවසා ඇත.
පාර්සි ජාතිකයන් විශාල ප්‍රමාණයක් බ්‍රිතාන්‍ය සමයේ දී ශ්‍රී ලංකාවට ද පැමිණ ව්‍යාපාර ආරම්භ කර අද දක්වා ජීවත් වෙති. Billimoria,Choksy,Pestonjees,Captsin යන පවුල් ලංකාවේ ප්‍රමුඛ ප්‍රකට පාර්සි පවුල් ලෙස සැලකේ.
උපුල් ජනක ජයසිංහ
