ඉන්ධන හිගය ඇතුළු රට මුහුණ දී සිටින අර්බුදවලට තාවකාලික පිළියමක් ලෙස සති දෙකකට රාජ්‍ය ආයතන වසා දැමීම සම්බන්ධයෙන් රජයේ අවධානය යොමුව තිබෙනවා. පාසල්වලටද සති දෙකක නිවාඩුවක් ලබා දී මාර්ගගත ක්‍රමයට ඉගෙනුම් කටයුතු සිදු කිරීමටයි යෝජනා වී තිබෙන්නේ.
කෙසේ නමුත් මේ දක්වා ඒ පිළිබඳව අවසන් තීරණයක් ගෙන නොමැති අතර අවසන් තීරණය ගැනීම සඳහා අද විශේෂ සාකච්ඡාවක් පැවැත්වීමට නියමිතය.
කොවිඩ් වසංගතයට මුහුණ දුන් ආකාරයෙන්, රට ලොක්ඩවුන් කර ඉන්ධන අර්බුදයට මුහුණ දිය යුතු බවට යෝජනා වී තිබෙන නමුත් ජනාධිපතිවරයා සහ අගමැතිවරයා ඊයේ රජයේ නිළධාරීන් වෙත දැනුම් දී තිබුණේ එවැනි ක්‍රියාමාර්ගයක් ගැනීමේ කිසිදු අවශ්‍යතාවයක් නොමැති බවයි.
ලබන සතියේදී තවත් ඉන්ධන නෞකාවක් මෙරටට ලඟාවීමට නියමිතව තිබෙන අතර මේ නිසා කිසිදු ඉන්ධන හිගයක් ඇති නොවන බවයි ජනාධිපතිවරයා සහ අගමැතිවරයා පවසා තිබෙන්නේ.
UN
