කොළඹ LNW: එක්සත් ජාතීන්ගේ 80 වැනි සැසි වාරයට සහභාගී වීම සඳහා සිදුකළ ඇමරිකා එක්සත් ජනපදයේ සංචාරය සාර්ථකව නිමකරමින් ජනාධිපති අනුර කුමාර දිසානායක මහතා ජපානය බලා පිටත්ව ගොස් තිබේ.
ජනාධිපති මාධ්‍ය අංශය නිවේදනය කරන්නේ. ඊයේ (25) රාත්‍රියේ ඇමරිකාවේ ජෝන් එෆ් කෙනඩි ජාත්‍යන්තර ගුවන් තොටුපොළින් ජනාධිපතිවරයා ජපානය බලා පිටත් වූ බවයි.
ජපානයේ නිල ආරාධනයකට අනුව සිදුවන එම සංචාරය එළඹෙන 27 වැනිදා සිට 30 වැනිදා දක්වා ක්‍රියාත්මකය.
ජනාධිපති අනුර කුමාර දිසානායක මහතා සමඟ මෙම සංචාරයට විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතාද එක්ව සිටියි.
