සටහන: සශිකලා මධුෂාණි
සැප්තැම්බර් 28: ලෝකය(අවුට්බවුන්ඩ් ටුඩේ) : යුරෝපය රළ යටින් දැවැන්ත නිධානයක් සොයාගෙන ඇත. එය ඔබ අපේක්ෂා කරන ආකාරයේ නිධානයක් නොවේ. රන්, මුතු, මැණික් වෙනුවෙට මෙම නිධානය මහාද්වීපයේ අනාගතය පරිවර්තනය කළ හැකි දැවැන්ත පිරිසිදු බලශක්ති ප්‍රභවයකි.
උතුරු මුහුදේ මතුපිටට යටින් සැඟවී ඇති හරිත හයිඩ්‍රජන් ටොන් 45,000 කට ආසන්න ප්‍රමාණයක් නිපදවීමේ හැකියාව සහිත විභවයක් හමුව තිබේ.
එහි ප්‍රතිඵලය වන්නේ කාබන් විමෝචනයක් නිකුත් නොකරන හයිඩ්‍රජන් ඉන්ධනයයි. ඒ අනුව,යුරෝපය හරිත හයිඩ්‍රජන් නිෂ්පාදනයේ ලෝක ප්‍රමුඛයා වීමට සූදානමින් සිටී.
රළ යට ඇති මෙම ඇදහිය නොහැකි සම්පත එහි උපරිම විභවයට යොදා ගන්නේ නම්, වාර්ෂිකව හරිත හයිඩ්‍රජන් ටොන් 45,000 ක් පමණ නිපදවිය හැකිය. එය ගණන් කළ නොහැකි කර්මාන්ත සහ වාහන බල ගැන්වීමට, හානිකර විමෝචනය කපා හැරීමට සහ මහාද්වීපයේ බලශක්ති සංක්‍රාන්තිය ඉදිරියට ගෙන යාමට එය ප්‍රමාණවත් පිරිසිදු ඉන්ධනයකි.
ඒ අනුව මෙය දේශගුණික විපර්යාසයන්ට මුහුණ දීමට සහ පොසිල ඉන්ධන මත යැපීම අඩු කිරීමට යුරෝපයේ හරිත, වඩා තිරසාර ග්‍රහලෝකයක් කරා යන ගමනේ හැරවුම් ලක්ෂයක් වනු ඇත. එය නිෂ්පාදනය, ප්‍රවාහනය සහ නිවාස උණුසුම ඇතුළුව සාම්ප්‍රදායිකව පොසිල ඉන්ධන මත යැපෙන කර්මාන්ත විප්ලවීයකරණය කළ හැකි පිරිසිදු ආදේශකයක් වේ.
