සටහන: සශිකලා මධුෂාණි
ඔක්තෝබර් 09: ලෝකය(අවුට්බවුන්ඩ් ටුඩේ) : මධ්‍යම මියන්මාරයේ ඊයේ(08)දිනයේදී පැවති රාජ්‍ය විරෝධී විරෝධතාවයකට එරට හමුදාව විසින් එල්ල කරන ලද පැරග්ලයිඩර් බෝම්බ ප්‍රහාරයක් හේතුවෙන් පුද්ගලයන් 20 දෙනෙකු ජිවිතක්ෂයට පත්ව තවත් විශාල ප්‍රමාණයක් තුවාල ලබා ඇති බව වාර්තා වේ.
රටේ විශාලතම බෞද්ධ නිවාඩු දිනය වන තඩින්යුට් උත්සවය සැමරීමේ උත්සවයක් අතරතුර වින්දිතයින් හමුදා පාලනයට එරෙහිව වාඩිලාගනිමින් මෙම විරෝධතාවය පවත්වමින් සිටින අතරතුර මෙම ප්‍රහාරය එල්ල කර තිබිණි.
2021 දී ප්‍රජාතන්ත්‍රවාදිව බලයට පත් අවුන්සාන් සුකීගෙන් එරට හමුදාව රාජ්‍ය බලය උදුරා ගැනීමත් සමඟ මියන්මාරය සන්නද්ධ ගැටුමකින් ගිලී ඇති අතර නගරය යුද්ධයේ ප්‍රධාන සටන් බිමක් වී ඇත. 2021 සිට මියන්මාරය පුරා 600,000 කට අධික පිරිසක් අවතැන් වී ඇති අතර, මිලියන තුනකට අධික පිරිසකට මානුෂීය ආධාර දැඩි ලෙස අවශ්‍ය වී ඇති බව ජාත්‍යන්තර මාධ්‍ය වාර්තා කරයි.