සටහන: සශිකලා මධුෂාණි
ඔක්තෝබර් 17: ලෝකය(අවුට්බවුන්ඩ් ටුඩේ) : ඊයේ(16)දිනයේදී නැගෙනහිර යුක්රේනයේ ගෑස් පිරවුම්හල්වලට දැවැන්ත රුසියානු ඩ්‍රෝන සහ මිසයිල ප්‍රහාරයක් එල්ල වී තිබේ.
යුක්රේන ජනාධිපති වොලොඩිමියර් සෙලෙන්ස්කි, කියෙව් වෙත දිගු දුර ටොමාහෝක් කෲස් මිසයිල සැපයීම පිළිබඳව සාකච්ඡා කිරීම සඳහා ඩොනල්ඩ් ට්‍රම්ප් සමඟ රැස්වීමක් සඳහා වොෂින්ටනයට පියාසර කිරීමත් සමඟ මෙම ප්‍රහාරය දියත් වී ඇත.
මෙම ප්‍රහාරයට රුසියාව විසින් ඩ්‍රෝන යානා 300කට වැඩි පරමානයක් මිසයිල 37ක් මෙන්ම ග්ලයිඩ් බෝම්බ ද දියත් කර තිබු අතර යුක්රේනයේ බලශක්ති ජාලය ඉලක්ක කරගත් තවත් මහා පරිමාණ බෝම්බ ප්‍රහාරයකින් චර්නිහිව්, කාර්කිව්, පොල්ටාවා, සුමි සහ විනිට්සියා ඇතුළු කලාප අටක හදිසි විදුලිය ඇනහිටීම් නිවේදනය කර තිබේ.
2022 දී යුක්රේනය ආක්‍රමණය කිරීමෙන් පසු, මොස්කව් සෑම ශීත කාලයකම යුක්රේන බලශක්ති යටිතල පහසුකම්වලට පහර දී ඇති අතර මේ හේතුවෙන් සෑම වසරකම කියෙව්හි හදිසි විදුලිය විසන්ධි කිරීම් පැනවීමට සහ විදේශයන්ගෙන් බලශක්තිය ආනයනය කිරීමට සිදුව ඇත.