රෂිකා හෙන්නායක ඔක්තෝබර් 24, ලෝකය (අවුට්බවුන්ඩ් ටුඩේ):
මේ වනවිට ගාසා තීරයේ සටන් විරාමයක් පැවතියද , එහි කුසගිනි අර්බුදය ව්‍යසනකාරී තත්ත්වයකට පත්ව ඇති බව ලෝක සෞඛ්‍ය සංවිධානය පවසයි.
කුසගින්නෙන් පීඩා විදින ගාසා වැසියන්ට ආධාර ලබා දීමට ගන්නා උත්සාහයන් අත්තනෝමතික ලෙස ප්‍රතික්ෂේප කරන බවට ආධාර සංවිධාන 41ක් ඊශ්‍රායලයට චෝදනා එල්ලකරයි.
ලෝක සෞඛ්‍ය සංවිධානය පවසන්නේ , සටන් විරාමය ක්‍රියාත්මක වී සති දෙකකට පසුවත් ගාසා තීරයේ කුසගිනි අර්බුදය ව්‍යසනකාරීව පැවතීම කණගාටුදායක තත්ත්වයක් බවයි.
එක්සත් ජාතීන්ගේ ලෝක ආහාර වැඩසටහන පවසන්නේ ගාසා තීරයට සැපයුම් ලැබෙන්නේ ඉතාමත් අඩුවෙන් බවයි.
ජගත් සංවිධානය පවසන්නේ, ගාසා තීරයේ ජනගහනයෙන් හතරෙන් එකක්වත් ගර්භනී මාතාවන් 11500ක් ද ඇතුළුව කුසගින්නේ සිටින බවයි.
