ජාතික ජන බලවේගයට බලය හිමි කොලොන්න කොලොන්න ප්‍රාදේශීය සභාවේ මංගල අයවැය පළමුවර කියවීම අද (06) පරාජයට පත්ව තිබේ.
එම අයවැය අද පෙරවරුවේ ආරම්භ වූ කොලොන්න ප්‍රාදේශීය සභාවේ මාසික සභා වාරයේදී ඉදිරිපත් කෙරුණු අතර අද පස්වරුවේ අයවැය පළමුවර කියවීමට අදාළ ඡන්ද විමසීම පැවැත්විණි.
එහිදී අයවැය පරාජයට පත්කිරීමට විපක්ෂය කටයුතු කර ඇත.
කොලොන්න ප්‍රාදේශීය සභාව ජාතික ජන බලවේගයේ සභිකයින් 9ක්, සමගි ජන බලවේගයේ සභිකයින් 5ක්, ශ්‍රී ලංකා පොදුජන පෙරමුණේ සභිකයින් 3ක්, එක්සත් ජාතික පක්ෂයේ එක් සභිකයෙකු සහ සර්වජන බලය පක්ෂයේ එක් සභිකයෙකුගෙන් සමන්විත ය.
ඒ අනුව ජාජබට සභිකයින් 9ක් සහ විපක්ෂයට සභිකයින් 10 දෙනෙකු වශයෙන් සිටින නමුත් සභාපතිවරයා තේරීමේදී රහස් ඡන්දයක් පවත්වා කුමන හෝ ක්‍රමයකින් එය ජයග්‍රහණය කර සභාවේ බලය පිහිටුවීමට ජාජබ කටයුතු කර තිබිණි.
