රෂිකා හෙන්නායක නොවැම්බර් 10 කොළඹ LNW :
ගාල්ල බන්ධනාගාරයේ හෝ බූස්ස බන්ධනාගාරයේ රැඳවියෙකු පිළිබඳ අමුතු ආකාරයේ නීතියට පටහැනි අපූරු සිදුවීමක් වාර්තා වේ.
ඒ, මත්ද්රව්ය පානය කරමින් බන්ධනාගාරය තුළ සැපවත් ජිවිතයක් ගතකරන රැඳවියෙකු සම්බන්ධයෙන් සමාජ මාධ්යයේ සංසරණය වන වීඩියෝවකට අදාළවයි
ඒ අනුව ඒ පිළිබදව වාර්තා කැඳවූ බව බන්ධනාගාර දෙපාර්තමේන්තුව පවසයි.
ඒ සම්බන්ධයෙන් එම බන්ධනාගාර දෙකෙහි අධිකාරීවරුන්ගෙන් වාර්තා කැඳවූ බව බන්ධනාගාර දෙපාර්තමේන්තුව කියා සිටී.
මේ අතර, ගාල්ල බන්ධනාගාරයේ ‘සී’ වාට්ටුව තුළ රැඳවියන් ජංගම දුරකතන භාවිත කරන බවට බන්ධනාගාර බුද්ධි අංශ වෙත මීට පෙර තොරතුරක් ලැබී තිබුණි.
බන්ධනාගාර දෙපාර්තමේන්තුව පැවසුවේ, ඒ අනුව එම බුද්ධි අංශ කළ දැනුම්දීමකට අනුව ගාල්ල බන්ධනාගාරයේ නිලධාරීන් විසින් අදාළ වාට්ටුවේ හදිසි වැටලීමක් සිදු කළ බවයි
එහිදී එම වාට්ටුවේ සඟවා තිබූ ජංගම දුරකතන දෙකක් ගාල්ල බන්ධනාගාරයේ නිලධාරීන් විසින් සොයාගෙන තිබෙන බව සඳහන් වේ.
වැඩිදුරටත් වාර්තා වුණේ, එම ජංගම දුරකතන දෙක වැඩිදුර විමර්ශන සඳහා බන්ධනාගාර බුද්ධි අංශ වෙත භාර දී ඇති බවයි.
