සටහන – නිශ්මං රණසිංහ
නොවැම්බර් 13, කොළඹ LNW:BNI Indonesia International Challenge I 2025 තරගාවලිය නියෝජනය කරන රසිඳු හෙන්දහේවා අද අවසන් 16 දෙනාගේ වටය නියෝජනය කිරිමට නියමිතයි.ලොව අංක 60 ට ශ්රේණිගතව සිටින සහ මෙම තරගාවලිය ආශ්රිත ශ්රේණිගත කිරීම්වල අංක එකට සිටින ප්රදිශ්කා බගාස් ෂුජීවෝ අද දවසේ තරගයේදී රසිඳුගේ ප්රතිවාදියා බවට පත් වෙනවා.
තරගයේ පළමු තරගයේදි යැන්ග් බියොන්ග් ජියොන්ව වට 2-1 ක් ලෙස පරාජය කරන්නට රසිඳු සමත් වුණා.එහිදී ලකුණු තත්ත්වය සටහන් වුයේ 21 -23,21-17 සහ 21-11 ක් ලෙසයි.අවසන් 32 නාගේ වටයේදී රසිඳුගේ ප්රතිවාදියා බවට පත් වුණේ ඉන්දුනීසියානු ක්රීඩක හෙන්රිකෝ විභාවෝ වූ අතර එම තරගය වට 2-0 ක් ලෙස ජයගන්නට රසිඳුට හැකි වුණා.එහිදී ලකුණු තත්ත්වය වාර්තා වූයේ 21 – 12 සහ 21- 15 ක් ලෙසයි.
රසිඳු මේ වන විට ලෝක ශ්රේණිගත කිරීම්වල 214 වන තැන පසුවෙනවා.