ගෝමරන්කඩවල ප්රාදේශීය සභාවේ සභාපති රංගික ප්රගාත් ධර්මදාස හෙවත් රංග ධර්මදාස මහතා ඊයේ (20) රාත්රියේදී සිය කුඹුරේ පැල් රකිමින් සිටියදී ඇතිවූ හදීසි අසනීප තත්ත්වයකින් මියගොස් ඇති බව වාර්තා වේ.
ඔහු, ඊයේ රාත්රී සිය කුඹුරේ පැල් රැකීමට ගොස් සිට ඇති අතර, එහිදී ඔහුගේ මව අද අලුයම ඔහුට දුරකතන ඇමතුමක් ලබාදී ඇති බවත් එහිදී ප්රතිචාරයක් නොලැබුණු බැවින් ඔහු පිළිබද සොයා බැලිමේදී සිහිසුන්ව සිට ඇති බවට කරුණු හෙළිව ඇතැයි පොලිසිය පවසයි.
ඔහු ගෝමරංකඩවල ප්රාදේශීය රෝහලට ඇතුළත් කරන අවස්ථාවේදීත් මියගොස් සිට ඇති බව සඳහන්.
රංග ධර්මදාස කාලයක සිට හෘද රෝගයක් සම්බන්ධයෙන් ප්රතිකාර ලබමින් සිටින අයකු බවටද වාර්තා වෙනවා.
ගෝමරන්කඩවල ප්රාදේශීය සභාවට ජාතික ජන බලවේගය නියෝජනය කරමින් තරග වැදුණු ඔහු පසුව එහි සභාපති ධුරයට පත්විය. රජරට විශ්වවිද්යාලයේ පුරාවිද්යාව පිළිබඳ උපාධිධාරියකු වන ඔහු වෘත්තියෙන් ගොවියකු වශයෙන් කටයුතු කර ඇති අතර මියයන විට ඔහු 34 වැනි වියේ පසුවිය.
පශ්චාත් මරණ පරීක්ෂණය සඳහා ඔහුගේ දේහය ත්රිකුණාමලය මහ රෝහලට රැගෙන ඒමට නියමිත ය.
