වහාම පාර්ලිමේන්තුව කැඳවා අග්රාමාත්ය රනිල් වික්රමසිංහ මහතාට එරෙහිව විශ්වාසභංග යෝජනාවක් එක් දිනක් තුළ සම්මත කර ඒ මහතාව තනතුරින් ඉවත් කිරීමට කටයුතු කළයුතු බව ශ්රී ලංකා නිදහස් පක්ෂයේ මහලේකම් දයාසිරි ජයසේකර මහතා පවසයි.
මේ වනවිටත් මේ සම්බන්ධයෙන් අනෙකුත් පක්ෂ නායකයින් සමග සාකච්ඡා කරමින් සිටින අතර මෙම යෝජනාව හැකි ඉක්මනින් කථානායකවරයාට දැනුම් දීමට ශ්රී ලංකා නිදහස් පක්ෂය පියවර ගන්නා බවත් ඒ මහතා සඳහන් කළේ.
මෙම යෝජනාවට ශ්රී ලංකා පොදුජන පෙරමුණේ මන්ත්රීවරුන් කණ්ඩායමකගේ ද සහාය ලැබීමට නියමිත බවත් ඒ මහතා ප්රකාශ කළේය.
ශ්රී ලංකා නිදහස් පක්ෂයේ නායක මෛත්රීපාල සිරිසේන මහතා කලක පටන් රනිල් වික්රමසිංහ මහතා සමග කෝපයෙන් පසුවන අතර ඔහු වරක් පොදුවේ ප්රකාශ කර තිබුණේ තමන්ට කෙණෙහිලිකම් කළ අයට තමන් උකුස්සෙකු මෙන් පහරදෙන බවකි.
RN
