නිශ්මං රණසිංහ නොවැම්බර් 30, කොළඹ LNW:
වමත් දඟ පන්දු යවන මොහොමඩ් නවාස්ගේ විශිෂ්ඨ පන්දු යැවීම (17/3) සමඟ ශ්‍රී ලංකා පිතිකරු බල ඇණිය සම්පූර්ණයෙන්ම අමාරුවේ වැටුණ අතර,කඩුලු 2 ට 84 ක් ව තිබුණු ලාංකේය ලකුණු පූවරුවේ ලකුණු 114 සටහන් වෙද්දී සියල්ලෝම දැවී ගියහ.ඒ නිසා පකිස්තානය කඩුලු 6 ක ජයක් සමඟ තුන් කොන් තරගාවලියේ සූරතාවය දිනා ගනිද්දී නවාස් තරගයේ වීරයා විය.එපමණකින් නොනැවතී තරගාවලියේ ලකුණු 52 ට කඩුලු 10 ක හිමිකමක් ලබමින් නවාස් තරගාවලියේ ද වීරයා විය.
පළමුව පන්දුවට පහර දුන් ශ්‍රී ලංකා ඉණීම වරෙක පන්දු ඕවර් 13 දී කඩුලු 2 ට 84 ක් ව තිබිණ.ලකුණු 160 වැඩි ලකුණු ගණනකට අවම වශයෙන් ළඟා වනු ඇතැයි පෙනෙන්නට තිබිණ.එහෙත් ලකුණු 98 දී තෙවන කඩුල්ල දැවීමෙන් ඉනික්බිතිව සිදු වූයේ ලකුණු 114 ක් වන විට සියල්ලටම දැවී යන්නටය.මොහොමඩ් නවාස් ශ්‍රී ලංකා ඉණිමේ දකින්නට ලැබුණු හොඳම සබඳතාවය වූ කමිල් මිෂාර (59) සහ කුසල් මෙණ්ඩිස් දෙවන කඩුල්ලට ඇති කළ සබඳතාවය බිඳිමින් කුසල්ව ලකුණු 14 ට දවා ගැනීමෙන් ඉනික්බිතිව සිය පන්දු ඕවර් 4 ලකුණු 17 ට සීමා කරමින් කඩුලු 3 ක් දවා ගැනීමට
කමිල් මිෂාර යළිත් හුදෙකලා සටනක නිරත වෙමින් මීට පෙර පැවති තරගයේදී මෙන්ම හොඳ ඉණිමක් ගොඩ නැඟුවේ සිය ජ්‍යෙෂ්ඨ ක්‍රීඩකයින්ට වගකීම සහ සංයමය ගැන පැහැදිළි නිදසුනක් දෙමින්ය.
පකිස්තානයට එරෙහිව අවසන් තරගයේදී ශ්‍රී ලංකාව මුල් පන්දු වාර 10 ඇතුළත ලකුණු රැස් කළ ආකාරය ආරක්ෂා කරන්නට සමත් වූයේ නම් අඩුම තරමේ ලකුණු 140 සීමාවට පිවිස හොඳ සටනක් දිය හැකි ලකුණු පූවරුවක් නිර්මාණය කර ගන්නට තිබිණ.ඔවුන් ට තිබුණු වාසිය වූයේ ශ්‍රී ලංකාවේ මුළු ලකුණු ප්‍රමාණය වූ 114 යි.ඒ නිසා කල්පනාවෙන් පකිස්තානු පිතිකරුවන් මුල් අංක තුනේ පිතිකරුවන්ගේ සහය සමඟ මේ ලකුණු ප්‍රමාණය හඹා යන්න හැකි වුණා.
එහෙත් ශ්‍රී ලංකාවට ජයග්‍රහණය සඳහා යාමට නොහැකි වුණත් පන්දු වාර 19 දක්වා පරාජය නොවී සිටින්නට හැකි වුණා.ඕවර් 18.4 දී ලකුණු 118 ක් දක්වා ලකුණු පූවරුව ඔසවා තබන්නට පකිස්තානය කඩුලු 4 ක් ද අහිමි කර ගත්තා.පන්දු යැවීමේ වගකීම ගත් පවන් රත්නායක පන්දු ඕවර් දෙකක් තුළ සිය දකුණත් පිට දඟ පන්දුවෙන් ලකුණු 11 ට කඩුලු 2 ක් දවා ගන්නට සමත් වුණා.ඔහු ශ්‍රී ලංකාව වෙනුවෙන් කැපී පෙණෙන පන්දු යවන්නා වුණා.
කෙසේ හෝ මහා ව්‍යසන මොහොතක තමන්ට පකිස්තාන සංචාරයෙන් ලැබෙන හැම සතයක්ම එයින් විපතට පත් වූවන්ට ප්‍රදානය කිරීමට වඩා අනතුරුදායක හැඟීම් අතර ඔවුන් වඩාත්ම බලා සිටින්නට ඇත්තේ දුක්බර කතා අතරට ජයග්‍රාහී කතාවක් එකතු වෙනවා දැකීමටය.ඒ නිසාම සිය ජංගම දුරකතනයෙන් ඉතුරු වුණ අන්තිම ඩේටා ටිකෙන් තරගයේ විස්තර සොයන සහ දුරකතන ඇමතුම් දෙමින් මැච් එක බලනවද විස්තර මොනවාද කියා දුරකතනයේ අන්තිම පන බිංදුවෙන් අසා ගන්නට වෙහෙසෙන අවස්ථාව ද අපි ඊයේ රාත්‍රියේ අත් වින්දෙමු.
කෙසේ වුවත් තරගාවලය ආරම්භ කළාට වඩා හොඳට අවසන් කළ බව සතුටකි.කමිල් මිෂාර මෙන්ම පවන් රත්නායක ද කණ්ඩායම තුළ සිටිය යුතු බව ස්ථිර කර ගත්තේය.දැන් ඉතිං ලෝක කුසලානයට හැඩ ගැහෙන්න හොඳ ඉඟි සපයා ඇත.ඒ ගැන සුළුවෙන් මේ පරාජය පදනම් කරගෙන හිතන අයෙකුට හොඳ උත්තරයක් දෙන්නට ශ්‍රී ලංකා ක්‍රිකට් කණ්ඩායමට හැකි වෙනු ඇතැයි අපි බලාපොරොත්තුවෙන් සිටිමු.
අවසාන තරගයේ ලකුණු පූවරුව – https://bit.ly/49Sysr7
