මචං රවී, උඹ දැන් ලංකාවෙ ඇමතිකෙනෙක් නේද ? මට නම් බොක්කෙන්ම සන්තෝසයි බං..
උඹට මතකද අපි අනූවෙ – අනූ තුනේ පල්ලෙකැලේ රැඳවුම් කඳවුරේ හිරකරලා හිටපු කාලේ..
උඹට මතකද අපිත් එක්ක හිටපු කලු අයියා, බාලේ, ට්‍රැක්ටර් ප්‍රේමේ කඳවුරෙන් පැනලා යන්ට ගිහින් වෙඩිකාලා මැරුනට පස්සෙ කඳවුරේ හිරකරලා හිටපු රැඳවියො හයසීයම දවස් දෙකක් බඩගින්නෙ ඉඳලා කෑම රෙෂන් එකේ සල්ලි කඳවුරේ නිලධාරීන්ට කියලා මැරිච්ච සහෝදරවරුන්ගෙ ගෙදර යැව්වා. මළගෙදර වැඩ කරගන්න…
සමහරවිට උඹට ඒවා දැන් අමතක ඇති, උඹලා දැන් ඉන්නෙ තෝරදෙණියල එක්කලු නේද…?
මං හිතන්නෙ අපිත් එක්ක කඳවුරේ හිටපු හයසීයෙන් දැන් ජීවතුන් අතර ඇත්තෙ සීයක් විතර වගෙ.. ගොඩ දෙනෙක් අත්අඩංගුවේදි කාපු ගුටි පස්සෙ කාලෙක වෙන වෙන ලෙඩවලට ඇවිත් දුක්විඳලා මැරුනා මචං..
උංගෙ ජීවිතවලට ගංවතුර ගහලා ගොඩක් කල් බං….
සත පහකවත් උදවුවක් නැති උනාට කමක් නෑ කඳවුරේ හිටපු දැනට ජීවතුන් අතර ඉන්න උන් හොයලා උන්ට කතාකරපං.. උන් පවු බං….
මීට,
දෙකේ බිලට් එකේ බොඩී
