රෂිකා හෙන්නායක දෙසැම්බර් 14, කොළඹ LNW :
අද (14) පස්වරු 03.07 ට පමණ ඉන්දීය ගුවන් හමුදාවට අයත් සී.- 17 වර්ගයේ විශාලතම භාණ්ඩ ප්රවාහන ගුවන් යානයක් ඉන්දියාවේ අග්රා නුවර සිට කටුනායක ගුවන් තොටුපොළ වෙත පැමිණ තිඹබූ අතර, එහි මෙට්රික් ටොන් 25 ක් බර , මෙරට සෞඛ්ය සේවා පවත්වා ගෙන යාමට අත්යාවශ්ය ඖෂධ වර්ග 17 ක් සහ වියළි ආහාර ද්රව්ය තොගයක් තිබූ බව වාර්තා වේ.
මෙම ගුවන් යානය යළිත් පස්වරු 05.15 ට කටුනායක ගුවන් තොටුපොළෙන් ඉන්දියාවේ අග්රා නුවර බලා පිටත්ව ගොස් තිබුණේ, මෙරට මහියංගනය ප්රදේශයේ ක්ෂේත්රගත රෝහලක් පවත්වා ගෙන ගිය රෝහල් කාර්යය මණ්ඩලය 85 දෙනෙකු සහ ඔවුන්ගේ වෛද්ය උපකරණ තොගයක් ද රැගෙන බවයි වාර්තා වේ.
එහිදී, ඉන්දීය රෝහල් කාර්යය මණ්ඩලයට සමු දීම සඳහා සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා ද කටුනායක ගුවන් තොටුපොළ වෙත පැමිණි බව වාර්තා වන අතර, මෙම ඉන්දීය වෛද්යවරුන් ඇතුළු රෝහල් කාර්යය මණ්ඩලය අත්යාවශ්ය සැත්කම් ඇතුළු රෝගීන් 7,000 ක් සඳහා වෛද්ය ප්රතිකාර ලබාදුන් බව වැඩිදුරටත් වාර්තා වේ.
