කැබිනට් සංශෝධනයක් ගෙන ආ පමණින් ප්‍රශ්න නොවිසඳෙන අතර වසර දෙකක්ම රට පාලනය කළේද මේ ආණ්ඩුවම බව සමඟි ජන බලවේගයේ පාර්ලිමේන්තු මන්ත්‍රී තිස්ස අත්තනායක මහතා පවසයි.
ආණ්ඩුවේ ඇමැතිවරුම ආණ්ඩුව ආසාර්ථක බව පිළිගන්නේ නම් කිරීමට ඇති එකම දේ ඉල්ලා අස් වී ජනතාවට කැමති ආණ්ඩුවක් තෝරා ගැනීමට ඉඩ දීම බවයි මන්ත්‍රීවරයා සඳහන් කරන්නේ.
එහෙයින් ජනතාවට තවදුරටත් වැඩ නොදී ඉල්ලා අස් වී ගෙදර යන ලෙස ආණ්ඩුවට අවධාරණය කරන බව ද හෙතෙම කියාසිටියි.
ආණ්ඩුව විවේචනය කළ චෝදනාව මත සුසිල් ප්‍රේම්ජයන්ත් රාජ්‍ය අමාත්‍යවරයා පමණක් ඉවත් කිරීමෙන් විමල් වීරවංශ, උදය ගම්මන්පිල සහ වාසුදේව නානායක්කාර අමාත්‍යවරු සිදුකරන්නේ රඟපෑමක් බව පැහැදිලි වන බවද අත්තනායක මහතා ප්‍රකාශ කරයි.
ASK
