ජනාධිපති මන්දිරයේ ජනේල තිරරෙදි එල්ලීම සඳහා බිත්තිවල සවිකර තිබුණු රන් පැහැති පිත්තල බෝල 40ක් සොරාගෙන, ඒවා පැරණි භාණ්ඩ වශයෙන් විකිණීමට සූදානම් වූ තිදෙනෙකු ඊයේ (24) පොලිසිය විසින් අත් අඩංගුවට ගෙන තිබේ.
රාජගිරිය – ඔබේසේකරපුර ප්‍රදේශයේ පදිංචිකරුවන් වන මොවුන් අවුරුදු 28, 34 සහ 37 යන වයස්වල පසුවන අය බවයි පොලිසිය පවසන්නේ. ඔවුන්ව අත් අඩංගුවට ගෙන ඇත්තේ වැලිකඩ ප්‍රදේශයේදී ය. ඔවුන් පසුගිය ජුලි 09 වනදා ජනාධිපති මන්දිරයට ඇතුළු වී මෙම සොරකම කර ඇති බවත් සඳහන්.
සැකකරුවන් තිදෙනා වැඩිදුර විමර්ශන සඳහා ජනාධිපති මන්දිරයට අදාළ විමර්ශන මෙහෙයවන කොළඹ උතුර කොට්ඨාස අපරාධ විමර්ශන අංශය වෙත භාරදී ඇත.
RN
