ජුලි 09 වනදා පැවති අරගලයේදී කොළඹ, ජනාධිපති කාර්යාල පරිශ්‍රයට මුලින්ම බලහත්කාරයෙන් ඇතුළු වූ පුද්ගලයා වශයෙන් හඳුනාගත් අයෙකු ඊයේ (01) පස්වරුවේ පොලිසිය විසින් අත් අඩංගුවට ගෙන තිබේ.
මෙසේ විශේෂ පොලිස් කණ්ඩායමක් විසින් අත් අඩංගුවට ගෙන ඇත්තේ මහරගම ප්‍රදේශයේ පදිංචි 37 හැවිරිදි අයෙකු බවයි පොලිසිය පවසන්නේ.
මොහු එදින ඉතාම ආවේගශීලී ලෙස හැසිරෙමින් ජනාධිපති කාර්යාලයට ඇතුළු වීමට උත්සාහ දරා ඇති අතර ඔහුගේ හැසිරීමෙන් නොසන්සුන් වූ සෙසු පිරිස ද එක්වරම බලහත්කාරයෙන් එහි කඩාවැදුණු බවත් පොලිසිය සඳහන් කරයි.
එමෙන්ම ජනාධිපති කාර්යාලයට බලහත්කාරයෙන් ඇතුළු තවත් පුද්ගලයින් රැසක් මේ වනවිට හඳුනාගෙන ඇති අතර ඔවුන් ද ඉදිරියේදී අත් අඩංගුවට ගැනීමට නියමිත බවත් සඳහන්.
RN
