රෂිකා හෙන්නායක ජනවාරි 14, කොළඹ LNW :
පූජ්ය බලංගොඩ කස්සප හිමියන් ඇතුළු ස්වාමීන්වහන්සේ සිව් නමක් සහ පුද්ගලයින් 5 දෙනෙකු රක්ෂිත බන්ධනාගාරගත කර තිබේ. ඒ , ත්රිකුණාමලය ප්රදේශයේ බුදු පිළිමයක් සම්බන්ධ සිද්ධියකට අදාළවයි.
පසුගිය වසරේ නොවැම්බර් මස 16 වනදා , ත්රිකුණාමලය විහාරස්ථානයක තැන්පත් කර තිබූ බුද්ධ ප්රතිමාවක් ඉවත් කිරීමට උත්හාස කිරීමත් සමග එහි නොසන්සුන්තාවයක් හටගෙන තිබුණි. කෙසේවෙතත් මෙම සිද්ධියට අදාළව අදාළ ඉදිකිරීම් අනවසර බවට වෙරළ සංරක්ෂණ දෙපාර්තමේන්තුව පොලීසියට පැමිණිල්ලක් ද සිදුකර තිබූ අතර බුද්ධ ප්රතිමාව ඉවත් කිරීමට උත්සාහ කිරීමේදී හිමිවරුන්ගෙන් සහ ප්රදේශවාසීන්ගෙන් පොලීසියට දැඩි විරෝධයක් එල්ල විය.
මෙම සිද්ධියට අදාළව ත්රිකුණාමලය මහෙස්ත්රාත් අධිකරණයේ විභාග වෙන නඩුවකට අදාළ පාර්ශ්වයන් කැඳවා තිබූ අතර එහිදී මෙම පිරිස ජනවාරි මස 19 වන දින දක්වා රක්ෂිත බන්ධනාගාරගත කිරීමට අධිකරණය නියෝග කළ බව වාර්තා වේ.
