ගෝල්ෆේස් පිටිය හා ඒ ආශ්‍රිත ප්‍රදේශයේ රජයට සහ නාගරික සංවර්ධන අධිකාරියට අයත් භූමි කොටසේ අනවසරයෙන් කරන ලද ඉදිකිරීම් හා භෝග වගාවන් වහාම ඉවත් කරගන්නා ලෙස පොලිසිය අරගලකරුවන්ට නිවේදනය කර තිබේ.
අද (03) සවස පොලිසිය විසින් මෙම නිවේදනය අරගලකරුවන් වෙත කළ බවයි පොලිස් මාධ්‍ය ප්‍රකාශක කාර්යාලය සඳහන් කළේ.
ඒ අනුව මෙම ඉවත්කර ගැනීම් අගෝස්තු 05 වනදා සවස 5.00 ට පෙර අනිවාර්යයෙන්ම සිදුකළ යුතු බවත් එසේ නොකරන පුද්ගලයින්ට එරෙහිව නීතිමය පියවර ගන්නා බවත් පොලිසිය සිය නිවේදනයෙන් අවධාරණය කර ඇත.
RN
