සටහන: සශිකලා මධුෂාණි
ජනවාරි 18: ලෝකය(අවුට්බවුන්ඩ් ටුඩේ): පාකිස්තානයේ කරච්චි නුවර සාප්පු සංකීර්ණයක ඇති වූ ගින්නක් හේතුවෙන් අවම වශයෙන් පුද්ගලයින් හය දෙනෙකු මිය ගොස් 20 දෙනෙකු පමණ තුවාල ලබා ඇති බව වාර්තා වේ.
ඊයේ(17) දිනයේදී ගින්න ආසන්න වශයෙන් වෙළඳසැල් 1,200 ක් පමණ ඇති වාණිජ සංකීර්ණයක් වන ගුල් ප්ලාසා සාප්පු සංකීර්ණයේ ඇති වූ අතර පැය ගණනාවක් තිස්සේ පැවත තිබේ. ගින්න හේතුවෙන් ගොඩනැගිල්ලේ කොටසක් කඩා වැටී ඇති අතර ගලවා ගැනීමේ කටයුතු සංකීර්ණ වී ඇත.
ගින්නට හේතුව මෙතෙක් වාර්තා නොවන අතර ජනාධිපති අසිෆ් අලි සර්දාරි සහ අගමැති ෂෙබාස් ෂරීෆ් ජීවිත හානි සම්බන්ධයෙන් ශෝකය පළ කරතිබු අතර විශේෂ නිවේදනයක් සිදු කරමින් බලපෑමට ලක් වූ වෙළඳුන්ට සහාය වීමට සහ තුවාල ලැබූවන්ට වෛද්‍ය ප්‍රතිකාර ලබා දීමට හැකි සෑම පියවරක්ම ගන්නා ලෙස අගමැති ෂරීෆ් බලධාරීන්ට නියෝග කර ඇත.
