ආශිකා බ්රාහ්මණ
කොළඹ LNW:2026 වසරේ රජයේ බදු ආදායම් ඉලක්කය රු. බිලියන 4853ක් ලෙස දැක්වෙයි.
ඒ අනුව රජයේ ප්රධාන ආදායම් රැස්කරන ආයතන වන දේශීය ආදයම් දෙපාර්තමේන්තුව, රේගු දෙපාර්තමේන්තුව සහ සුරාබදු දෙපාර්තමේන්තුව යන ආයතන වෙත ඉතිහාසයේ වැඩිම රජයේ බදු අදායම් ඉලක්කය ලබා දී ඇති බවයි ආර්ථික සංවර්ධන නියෝජ්ය අමාත්ය නිශාන්ත ජයවීර මහතා පවසන්නේ.
එම ඉලක්කය අනුව දේශීය ආදායම් දෙපාර්තමේන්තුව 2026 වසරේදී රු. බිලියන 2401ක්,රේගු දෙපාර්තමේන්තුව රු. බිලියන 2207ක් සහ සුරා බදු දෙපාර්තමේන්තුව රු. බිලියන 245ක් ඉපයිය යුතු වෙයි.
රජයට ලැබෙන අදායම් වලින් 93%ක් එක්රැස් කරන්නේ මෙම ආයතන ත්රිත්වය විසින් වන අතර පසුගිය වසරේ ඔවුන් සිය ඉලක්ක අභිබවා යමින් අදායම් ඉපයීමට සමත්ව තිබුණි.
බදු කාන්දුවීම අවම මට්ටමකට ගෙන එමින් නාස්තිය, අල්ලස, දුෂණයෙන් තොරව විධිමත් විනිවිදභාවයකින් යුතු රාජ්ය බදු ආදායම් අයකර ගැනීමේ ක්රියාවලියක් ක්රියාත්මක කිරීම ගැන මහජනතාවගේ සිත්වල පැහැදීමක් ඇතිව තිබෙන අතර බදු අදයමවලින් හැකි තරම් පොදු මහජනතාවගේ යහපත සහ සංවර්ධනය සඳහා මුදල් යොදන බවද නියෝජ්ය අමාත්යවරයා සඳහන් කරයි.
