චීනයේ යුවාන් වෑන්ග් 5 නෞකාවේ ශ්‍රී ලංකා ගමන මේ වනවිට ශ්‍රී ලංකා – චීන – ඉන්දියා – ඇමරිකා අර්බුදයක් බවට පත්ව ඇති බව ජාත්‍යන්තර මාධ්‍ය වාර්තා කරනවා. අදාන නෞකාව ශ්‍රී ලංකාව වෙත පැමිණීම වැළැක්වීම සඳහා ඇමරිකාවද මැදිහත්ව සිටින බවයි.
මෙම සිදුවීම හරහා ශ්‍රී ලංකාව චීනයට විශේෂ සැළකීමක් සිදු කරන බවට ඉන්දියාව චෝදනා කළ අතර ඇමරිකාවේ අදහසද එයම යැයි වොෂින්ටන් පෝස්ට් පුවත්පත වාර්තා කරනවා. වොෂින්ටන් පෝස්ට් වැඩිදුරටත් වාර්තා කරන්නේ ශ්‍රී ලංකාව ලබාගෙන ඇති චීන ණය ප්‍රතිව්‍යූහගත කිරීම වෙනුවෙන් එවැනි විශේෂ සැළකිලි බලාපොරොත්තු වන බවයි.
මෙම නෞකාව ඊයේ දිනයේදී හම්බන්තොට වරාය වෙත පැමිණීමට නියමිතව තිබූ නමුත් මතු වූ අර්බුදකාරී තත්වය හමුවේ එම ගමන ප්‍රමාද කිරීමට චීන බළධාරීන් කටයුතු කර තිබේ. මේ වනවිට නෞකාව ශ්‍රී ලංකාවට ගිණිකොන දෙසින් නාවික සැතපුම් 600 ක් දුරින් රැඳී සිටින බව වාර්තා වේ.
UN
