සටහන:සශිකලා මධුෂාණි
පෙබරවාරි 21: ලෝකය(අවුට්බවුන්ඩ් ටුඩේ): නොබෙල් ත්යාගලාභි රසායන විද්යාඥ මහාචාර්ය ඕමාර් යාගී විසින් වියළි වාතයෙන් ජලය ලබා ගන්නා යන්ත්රයක් සොයා ගෙන තිබේ.
මෙම පරිසර හිතකාමී නව නිපැයුම, අවදානමට ලක්විය හැකි දූපත් සඳහා ජීවිතාරක්ෂකයක් විය හැකි බව රසායන විද්යාඥ මහාචාර්ය ඕමාර් යාගී සඳහන් කර ඇති අතර මෙම නව නිපැයුම සඳහා අණුක ඉංජිනේරු ද්රව්ය නිර්මාණය කිරීම සඳහා රෙටිකියුලර් රසායන විද්යාව ලෙස හඳුන්වන විද්යාවක් භාවිතා කරන අතර එමඟින් වාතයෙන් තෙතමනය නිස්සාරණය කර ශුෂ්ක සහ කාන්තාර තත්වයන් යටතේ පවා ජලය ලබා ගත හැකිය.
ජෝර්දානයේ සරණාගත ප්රජාවක හැදී වැඩුණු යාගී, නල ජලය හෝ විදුලිය නොමැති නිවසක ඔහු විඳදරාගත් දුෂ්කරතා මෙම නව නිෂ්පාදනය වෙනුවෙ තමා ආශ්වාදයක් කරගත් බව ප්රකාශ කළ අතර මෙම නව නිපැයුම හරහා පිරිසිදු ජලය ලීටර් 1,000 ක් දක්වා ජනනය කළ හැක.
පසුගිය මාසයේ, එක්සත් ජාතීන්ගේ වාර්තාවක් පැවසුවේ ග්රහලෝකය ගෝලීය ජල බංකොලොත් යුගයකට ඇතුළු වී ඇති බවත්, ලෝක ජනගහනයෙන් හතරෙන් තුනක් පමණ ජල අනාරක්ෂිත හෝ බරපතල ලෙස ජල අනාරක්ෂිත ලෙස වර්ගීකරණය කරන ලද රටවල ජීවත් වන බවත්ය.
මේවන විට ලෝකයේ බිලියන 2.2 ක් පමණ ජනතාව තවමත් ආරක්ෂිතව කළමනාකරණය කළ පානීය ජලය නොමැති අතර, බිලියන 3.5 ක් පමණ ආරක්ෂිතව කළමනාකරණය කළ සනීපාරක්ෂාව නොමැති අතර බිලියන 4 ක් පමණ වසරකට අවම වශයෙන් මාසයක්වත් දැඩි ජල හිඟයක් අත්විඳිති. මහාචාර්ය ඕමාර් යාගී මෙම නව නිපැයුම ලෝකය වෙනස් කරන අතර නියඟයට ගොදුරු වන කැරිබියන් දූපත් වලට ප්රතිලාභ ලබා දෙන බවයි.
