රෂිකා හෙන්නායක පෙබරවාරි 23, ලෝකය (අවුට්බවුන්ඩ් ටුඩේ):
උතුරු කොරියානු නායක Kim Jong Un පක්ෂ සම්මේලනයකදී දකුණු කොරියාව සමඟ පවතින සබඳතා නවතා දමන බවට දැඩි අනතුරු ඇඟවීමක් කර ඇත.
තම රටේ පරමාණුක අවි බලය තවදුරටත් වර්ධනය කරන බව පවසන ඔහු, එමඟින් ජාතික ආරක්ෂාව තහවුරු වන බව අවධාරණය කරයි.
ඇමරිකා එක්සත් ජනපදය සමඟ සාකච්ඡා කිරීමට නම් ඔවුන් අනුගමනය කරන විරෝධී පිළිවෙත් අත්හැරිය යුතු බව මෙහිදී ප්රකාශ විය. අගනුවර පැවති දැවැන්ත හමුදා පෙළපාලියකදී නවීන අවි ආයුධ ප්රදර්ශනය කෙරුණු අතර, කිම් ජොං උන්ගේ දියණියගේ සහභාගීත්වය දේශපාලන විචාරකයන්ගේ විශේෂ අවධානයට ලක්ව තිබේ.
මෙමඟින් උතුරු කොරියාව ලෝකය හමුවේ තම යුධ ශක්තිය සහ ස්ථාවරත්වය ප්රදර්ශනය කිරීමට උත්සාහ කරයි. එක්සත් ජනපදය තම රටේ ස්වෛරීභාවයට ගරු කරන්නේ නම් පමණක් රාජ්ය තාන්ත්රික සබඳතාවලට ඉඩක් පවතින බවද විදෙස් මාධ්ය පෙන්වා දෙයි.
