රෂිකා හෙන්නායක පෙබරවාරි 28, ලෝකය (අවුට්බවුන්ඩ් ටුඩේ):
ටෙහෙරාන් නුවර මධ්යයේ සිදුවූ පිපිරීම් මාලාවක් සහ ඉන් නැඟුණු දුමාරය පිළිබඳව විදෙස් මාධ්ය වාර්තා කරයි.
ඒ අනුව, නගරයේ ජම්හූරි ප්රදේශයට සහ විශ්වවිද්යාල වීදියට මිසයිල ප්රහාර කිහිපයක් එල්ල වී ඇත. මෙය රට පුරා හදිසි පුවතක් ලෙස ප්රකාශයට පත් කර තිබේ. සිදුවීම පිළිබඳ වැඩිදුර තොරතුරු බලාපොරොත්තුවෙන් සිටින බවත්, ක්ෂේත්රයේ සිටින වාර්තාකරුවන් මඟින් මෙය තහවුරු කර ඇති බවත් විදෙස් මාධ්ය සඳහන් කරයි.
ඊශ්රායල ආරක්ෂක අමාත්යවරයා මෙම ප්රහාරය තහවුරු කළ බවත් , ඉරානයෙන් එල්ල විය හැකි ප්රතිප්රහාරයන්ට සූදානම් වීම සඳහා ඊශ්රායලය පුරා අනතුරු ඇඟවීමේ සංඥා ක්රියාත්මක කර ඇති බව ද විදෙස් පුවත් පෙන්වා දෙයි.
මෙය ඇමරිකා එක්සත් ජනපදය සහ ඊශ්රායලය එක්ව ඉරානයට එල්ල කළ දැවැන්ත හමුදා ප්රහාරයක් බව විදෙස් මාධ්ය වාර්තා කරයි. ජනාධිපති ඩොනල්ඩ් ට්රම්ප් විසින් ප්රකාශයට පත් කරන ලද මෙම මෙහෙයුම මගින් ටෙහෙරානය ඇතුළු නගර කිහිපයකට මිසයිල ප්රහාර එල්ල වී ඇති අතර, ඉරාන රජයේ නායකත්වය ඉලක්ක කිරීම මෙහි අරමුණ වී ඇත.
මෙම ප්රහාරය හේතුවෙන් කලාපීය ආරක්ෂාව දැඩි අවදානමකට ලක්ව ඇති අතර, ඉරානය පවසා ඇත්තේ තමන් ඉතා ප්රබල ප්රතිප්රහාරයක් සඳහා සූදානම් වන බවයි.
මැදපෙරදිග සාම සාකච්ඡා බිඳවැටීමත් සමඟ ආරම්භ වූ මෙම යුදමය තත්ත්වය නිසා අසල්වැසි රටවල ගුවන් සීමාවන් වසා දමා ඇති අතර ලෝකයම දැඩි නොසන්සුන්තාවයකට පත්ව තිබේ. එක්සත් ජනපද තානාපති කාර්යාල තම සේවකයින්ට ආරක්ෂිත ස්ථාන කරා යන ලෙස උපදෙස් දී ඇති අතර, මෙම ගැටුම පුළුල් කලාපීය යුද්ධයක් දක්වා වර්ධනය වීමේ අවදානමක් පවතී.
