ගෝල්ෆේස් විරෝධතාවයට සහාය දීම හේතුවෙන් වීසා අවලංගු කර තිබූ ස්කොට්ලන්ත ජාතික තරුණිය මේ වනවිට අතුරුදන්ව ඇති බව වාර්තා වේ. ඇයට අගෝස්තු 15 වැනිදාට පෙර රටින් පිටවන ලෙස ආගමන විගමන දෙපාර්තමේන්තු නිළධාරීන් දැනුම් දී තිබූ අතර කෙසේ නමුත් මේ දක්වා ඇය රටින් පිටව ගොස් නොමැත.
Kayleigh Fraser නමැති මෙම කාන්තාව ගෝල්ෆේස් විරෝධතාවයට සහාය දක්වමින් සමාජ ජාලා මාධ්ය හරහා අදහස් දක්වා තිබූ අතර මේ හේතුවෙන් ඇයගේ වීසා අවලංගු කිරීමට ආගමන විගමන දෙපාර්තමේන්තුව තීරණය කර තිබිණි. ඊට එරෙහිව ඇය අධිකරණය හමුවේ පෙත්සමක් ගොනුකර තිබූ නමුත් එම පෙත්සම ඉවත දැමීමට අධිකරණය තීරණය කළේය.
අදාල තරුණිය තාවකාලිකව රැඳී සිටි ස්ථානයේද නොමැති බවයි වාර්තා වන්නේ.
අගොස්තු 15 වැනිදා වනවිට රටින් පිටව යන්නැයි නිකුත් කර තිබූ නියෝගය කඩකිරීම හේතුවෙන් Kayleigh Fraser අත්අඩංගුවට ගෙන අධිකරණය හමුවට ඉදිරිපත් කිරීමට ආගමන විගමන නිළධාරීන් තීරණය කර තිබෙනවා. ඇය අත්අඩංගුවට ගැනීම සඳහා මේ වනවිටත් එම නිළධාරීන් පරීක්ෂණ ආරම්භ කර ඇත.
UN
