රෂිකා හෙන්නායක මාර්තු 09, කොළඹ LNW :
ශ්‍රී ලංකා අධ්‍යක්ෂවරුන්ගේ ආයතනය (SLID) විසින් සංවිධානය කරනු ලබන විශේෂ සම්මන්ත්‍රණයේ ප්‍රධාන දේශකයා ලෙස AIA සමූහයේ සභාපති ශ්‍රීමත් මාර්ක් ටකර් සහභාගී වීමට නියමිතයි.
ඔහු ගෝලීය මූල්‍ය ප්‍රවණතා හමුවේ ශ්‍රී ලංකාවේ ආර්ථික ස්ථාවරය පිළිබඳව අදහස් දක්වනු ඇත.
මෙම වැඩසටහන කොළඹ වරාය නගරයේදී පැවැත්වෙන අතර ඒ සඳහා දේශීය මූල්‍ය හා බැංකු ක්ෂේත්‍රයේ ප්‍රවීණයන් රැසක් එක්වීමට නියමිතය.
ලෝක ආර්ථිකය බෙදී පවතින පසුබිමක මෙරට ප්‍රාග්ධන වෙළඳපොළ නැවත ශක්තිමත් කරගන්නා ආකාරය පිළිබඳව මෙහිදී දීර්ඝ ලෙස සාකච්ඡා කෙරේ.
හිටපු මහ බැංකු අධිපතිවරයෙකු ඇතුළු පිරිසක් සහභාගී වන කණ්ඩායම් සංවාදයක් ද මෙම සංසදයේ ප්‍රධාන අංගයක් ලෙස ඇතුළත් කර ඇත.
