සටහන: සශිකලා මධුෂාණි
මාර්තු 09; ලෝකය(අවුට්බවුන්ඩ් ටුඩේ): ඩ්‍රෝන යානා සහ මිසයිල යොදා ගනිමින් ඇමරිකානු හමුදාවන්ට සත්කාරකත්වය දරන ගල්ෆ් රටවලට පහර දීම ඉරානය විසින් දිගටම කරගෙන යන බැවින්, සිය රටට එරෙහිව සිදු කෙරෙන ප්‍රහාර වෙනුවෙන් පෙරලා ප්‍රතිචාර දක්වන බව එක්සත් අරාබි එමීර් රාජ්‍යයේ ජනාධිපති ෂෙයික් මොහොමඩ් බින් සයිඩ් අල් නහියන් ප්‍රකාශ කර තිබේ.
ඉරානයට එරෙහි ප්‍රධාන එක්සත් ජනපද-ඊශ්‍රායල ප්‍රහාරයකින් අවුලුවන ලද යුද්ධයේ දෙවන සතියට කලාපය අවතීර්ණ වීමත් සමඟ ෂෙයික් මොහොමඩ්ගේ අදහස් මෙලෙස ඉදිරිපත් වී තිබේ. ඊයේ(08)දිනයේදී මාධ්‍ය වෙත විශේෂ නිවේදනයක් ලබා දෙමින් එක්සත් අරාබි එමීර් රාජ්‍යයේ ජනාධිපතිවරයා සඳහන් කර තිබුණේ, එක්සත් අරාබි එමීර් රාජ්‍යයට ඝන සමක් සහ කටුක මස් ඇති බවත්, පහසුවෙන් ගොදුරු කරගත නොහැකි බවත්ය.
එමිරාටි ආරක්ෂක අමාත්‍යාංශයට අනුව, ඉරානය විසින් එක්සත් අරාබි එමීර් රාජ්‍යට බැලස්ටික් මිසයිල 16 ක් සහ ඩ්‍රෝන යානා 120 කට වැඩි ප්‍රමාණයක් දියත්කර තිබු අතර පසුගියදා ඉරාන ජනාධිපති මසූඩ් පෙසෙෂ්කියන්, ඇමරිකානු හමුදා කඳවුරු පිහිටා ඇති අසල්වැසි රටවලට ප්‍රහාර එල්ල කිරීම සම්බන්ධයෙන් අසල්වැසි ජාතීන්ගෙන් සමාව අයැද සිටි මුත් එක්සත් අරාබි එමීර් රාජ්‍යවරයා එය ප්‍රතික්ෂේප කර තිබේ.
ඉරානයේ සන්නද්ධ හමුදාවන්ගෙන් ලැබෙන සාක්ෂිවලින් පෙනී යන්නේ කලාපයේ සමහර රටවල් රහසිගතව සතුරාගේ අභිමතය පරිදි පවතින බැවින් ප්‍රහාර දිගටම පවතින බවයි.
