සටහන: සශිකලා මධුෂාණි
මාර්තු 27; ලෝකය(අවුට්බවුන්ඩ් ටුඩේ): එක්සත් ජනපද ජනාධිපති ඩොනල්ඩ් ට්රම්ප් විසින් හෝමූස් සමුද්ර සන්ධිය විවෘත කිරීම සඳහා ඉරානයට ලබා දුන් කාලය අප්රේල් මස 6 වන දා දක්වා දින 10 කින් දීර්ඝ කර තිබේ.
එක්සත් ජනපද ජනාධිපතිවරයා ඊයේ(26) දිනයේදී සිය සමාජ මාධ්ය වේදිකාව හරහා මේ බව ප්රකාශ කර තිබු අතර එහිදී ඔහු වැඩිදුරටත් සඳහන් කර තිබුණේ, ඉරානය සමඟ සාකච්ජා ඉතා හොඳින් සිදුවන බවත්, ව්යාජ ප්රවෘත්ති මාධ්ය සහ අනෙකුත් අය විසින් ප්රතිවිරුද්ධ වැරදි ප්රකාශ තිබියදීත් ඒවා ඉතා හොඳින් සිදුවන බවත්, ඉරාන රජයේ ඉල්ලීම පරිදි 2026 අප්රේල් 6 වන සඳුදා දක්වා ඉරානයේ බලශක්ති බලාගාර විනාශ කිරීමේ කාලය නවතා දමන බවත්ය.
මීට පෙර, එක්සත් ජනපද ජනාධිපතිවරයා ඉරාන නායකයින්ගෙන් ඉල්ලා සිටියේ මාසයකට ආසන්න කාලයක් පවතින යුද්ධය අවසන් කිරීම සඳහා සාකච්ඡා කරන ලෙසත්, එසේ නොමැතිනම් එක්සත් ජනපදය සහ ඊශ්රායලය විසින් දැඩි ක්රියාමාර්ග ගන්නා අතරතුර ජ්යෙෂ්ඨ නිලධාරීන් තවදුරටත් ඝාතනය කිරීමට මුහුණ දෙන ලෙසත්ය.
කෙසේ නමුත්, ඉරාන පාර්ලිමේන්තු කථානායක මොහොමඩ් බාගර් ගලීබාෆ් හා ඉරානයේ විදේශ කටයුතු අමාත්ය අබ්බාස් අරග්චි සඳහන් කර තිබුණේ, ඉරානය ඇමරිකා එක්සත් ජනපදය සමඟ කිසිදු සාකච්ඡාවක් පවත්වා නොමැති බවත්, ජනධිපති ට්රම්ප්ගේ මෙම ප්රකාශ දැඩි ලෙස ප්රතික්ෂේප කරන බවත්ය.
