සටහන: සශිකලා මධුෂාණි
මැයි 02; ලෝකය(අවුට්බවුන්ඩ් ටුඩේ): බංග්ලාදේශය සිය රූප්පූර් (Rooppur) න්‍යෂ්ටික බලාගාරයේ පළමු ඒකකය සඳහා යුරේනියම් ඉන්ධන පිරවීම ආරම්භ කර තිබේ.
මෙය එරට න්‍යෂ්ටික බලශක්ති උත්පාදනය දෙසට තැබූ තීරණාත්මක පියවරක් වන අතර ඉන්දියාව සහ පකිස්ථානයෙන් පසු, විදුලිබල උත්පාදනය සඳහා න්‍යෂ්ටික බලශක්තිය උපයෝගී කර ගැනීමේ යුගයට පිවිසෙන දකුණු ආසියාවේ තුන්වන රට බවට බංග්ලාදේශය පත්වේ.
එමෙන්ම, න්‍යෂ්ටික බලශක්තිය භාවිතයෙන් විදුලිය නිපදවන ලොව 33 වන රට බවට පත්වීමට බංග්ලාදේශය නියමිත වන අතර බලධාරීන් පවසන පරිදි, එළඹෙන අගෝස්තු මාසය වන විට මෙගාවොට් 300 ක පමණ විදුලි ධාරිතාවක් පරීක්ෂණ මට්ටමින් ජාතික පද්ධතියට එක් කිරීමට අපේක්ෂා කරයි.
මෙය මෙගාවොට් 1,200 බැගින් වූ ඒකක දෙකකින් සමන්විත මෙම බලාගාරයේ සම්පූර්ණ ධාරිතාව මෙගාවොට් 2,400 ක් වන අතර, එය බංග්ලාදේශයේ ඉතිහාසයේ ක්‍රියාත්මක වන විශාලතම යටිතල පහසුකම් ව්‍යාපෘතිය ලෙස සැලකේ.
මෙය ඇමරිකානු ඩොලර් බිලියන 13 ක පිරිවැයක් දරන මෙම ව්‍යාපෘතියක් වන අතර රුසියාවේ ‘රොසැටම්’ (Rosatom) ආයතනය තාක්ෂණික සහාය ලබා දෙයි.
