පාර්ලිමේන්තුවේ සියලු පක්ෂ එකතු කරගෙන ජාතික ආණ්ඩුවක් නිර්මාණය කරන්නේ නම් එහි අග්‍රාමාත්‍ය ධුරය භාරගැනීමට එක්සත් ජාතික පක්ෂ නායක රනිල් වික්‍රමසිංහ මහතා සූදානම් බව එජාප නියෝජ්‍ය නායක රුවන් විජේවර්ධන මහතා පවසයි.
එසේ නොමැතිව රටේ උද්ගතව ඇති ප්‍රශ්නවලින් වත්මන් ආණ්ඩුව බේරාගැනීම සඳහා ඊට මුක්කු ගැසීමට වික්‍රමසිංහ මහතා සූදානම් නොමැති බවයි විජේවර්ධන මහතා සඳහන් කළේ.
රුවන් විජේවර්ධන මහතා මේ බව පැවසුවේ එජාප ගම්පහ දිස්ත්‍රික් කාර්යාලය විවෘත කිරීමේ අවස්ථාව එක්වූ මාධ්‍යවේදියෙකු, ආණ්ඩුව රනිල් වික්‍රමසිංහ මහතාට අගමැතිකම බාරදෙනු ඇති බවට මේ දිනවල පැතිර යන කටකතා සම්බන්ධයෙන් කළ විමසීමකට පිළිතුරු ලබාදෙමිනි.
RN