ආශිකා බ්‍රාහ්මණ
කොළඹ LNW:මහජන ඡන්දයෙන් තේරී පත්වී පාර්ලිමේන්තුවට පැමිණ පක්ෂ මාරු කරන මන්ත්‍රීවරුන්ගේ මන්ත්‍රී ධුරය අහෝසි කිරීම සඳහා වූ පනත් කෙටුම්පත කඩිනමින් පාර්ලිමේන්තුවට ඉදිරිපත් කිරීමට බලාපොරොත්තු වන බව කැබිනට් ප්‍රකාශක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස පැවසුවේය.
අමාත්‍යවරයා මේ බව පැවසුවේ අද (26) පැවැති කැබිනට් තීරණ දැනුම්දීමේ මාධ්‍ය හමුවට එක්වෙමිනි.
මෙහිදී අමාත්‍යවරයා තවදුරටත් පැවසුවේ විවිධ ප්‍රකාශ පළවෙන නමුත් විපක්ෂය නියෝජනය කරන කිසිදු අයෙකු ආණ්ඩු පක්ෂයට ගැනීම සඳහා රජයේ කිසිදු සූදානමක් නොමැති බවයි.
යම් යම් පාර්ශ්වයන්ගේ ප්‍රාර්ථනා තිබුණද රජයට එවැනි සූදානමක් නොමැති අතර රජයට පැහැදිලි ජන වරමක් ලැබී ඇති බැවින් ඒ අනුව කටයුතු කරන බවයි අමාත්‍යවරයා සඳහන් කළේ.
