රෂිකා හෙන්නායක මැයි 31 ,ලෝකය (අවුට්බවුන්ඩ් ටුඩේ):
පැරිස් සෙන්ට් ජර්මේන් කණ්ඩායම යුරෝපා ශූරයන්ගේ ලීග් පාපන්දු තරගාවලිය ජයග්රහණය කිරීමෙන් පසු ප්රංශය පුරා ඇති වූ ප්රචණ්ඩකාරී කැරලි සහ නොසන්සුන්තා ඇති වීම පිළිබඳව විදෙස් මාධ්ය වාර්තා කරයි.
මෙම උත්සව සැමරුම් අතරතුර ඇති වූ ගැටුම් හේතුවෙන් පොලිසිය විසින් රට පුරා පුද්ගලයින් 400කට වැඩි පිරිසක් අත්අඩංගුවට ගෙන ඇති අතර, ඉන් බහුතරයක් වාර්තා වන්නේ පැරිස් නුවරිනි.
කලහකාරීන් විසින් පොලිස් නිලධාරීන්ට පහර දීම, වාහනවලට හානි කිරීම සහ වෙළඳසැල් කොල්ලකෑම වැනි ක්රියාවල නිරත වී ඇති බව මෙහි සඳහන් වේ.
තත්ත්වය පාලනය කිරීම සඳහා රජය විසින් දසදහස් ගණනක ආරක්ෂක නිලධාරීන් යොදවා තිබූ අතර ප්රවාහන සේවා ද තාවකාලිකව අත්හිටුවීමට පියවර ගෙන තිබුණි.
මෙම සිදුවීම ප්රංශ දේශපාලන ක්ෂේත්රය තුළ දැඩි විවේචනයට ලක්ව ඇති අතර, ජයග්රහණය සැමරීමට ගිය ජනතාවගේ අශික්ෂිත හැසිරීම පිළිබඳව බලධාරීන් සිය කණගාටුව පළ කර ඇත.
අපරාධ විමර්ශන කටයුතු තවදුරටත් ක්රියාත්මක වන අතර ඉදිරි දිනවලදී ක්රීඩකයන් ඇගයීමේ උත්සව පැවැත්වීමට ද නියමිතව ඇත.
