කොළඹ LNW:ආනවිලුන්දාව උප දුම්රිය ස්ථානයේ සේවය කළ උප දුම්රිය ස්ථානාධිපතිවරයා සේවයෙන් ඉල්ලා අස්වීම මත එම දුම්රිය ස්ථානය නැවත දැනුම්දෙන තුරු තාවකාලිකව වසා දැමීමට දුම්රිය පාලනාධිකාරිය කටයුතු කර තිබුණද නැවත මේ වන විට එම උප දුම්රිය ස්ථානය සහන දුම්රිය ස්ථානාධිපතිවරයෙකු යොදා මගී ජනතාව වෙනුවෙන් විවෘත කිරීමට දුම්රිය දෙපාර්තමේන්තුව කටයුතු කර ඇත.
එමෙන්ම මාස කිහිපයක සිට වසා දමා තිබු අකුරළ හා ආඳාදොල උප දුම්රිය ස්ථානයන් ද අද හෝ හෙට දින සහන දුම්රිය ස්ථානාධිපතිවරුන් යොදා මහ ජනතාව වෙත අවශ්‍ය සේවා සැපයීමට කටයුතු මේ වන විට සකස් කොට තිබෙන බව සඳහන්.
මේ අතර උප දුම්රිය ස්ථාන 25 ක් සඳහා නවක උපදුම්රිය ස්ථානාධිපතිවරුන් බඳවා ගැනීමට 2025.08.15 දින ගැසට් කරන ලද නමුත් අද දින වන විටත් එම බඳවා ගැනීමේ කටයුතු අවසන් කර ගැනීමට පාලන අධිකාරියට නොහැකි වී ඇති බවයි දුම්රිය ස්ථානාධිපති සංගමය පවසන්නේ.
මෙම අකාර්යක්ෂම ඉහළ කළමනාකරණය හේතුවෙන් අධික පිරිවැයක් යොදවා දුම්රි ස්ථානාධිපතිවරුන් රාජකාරිවල යොදවා ගෙන මෙම කටයුතු සිදු කිරීමට සිදුව ඇත.
