රෂිකා හෙන්නායක ජූලි 23, කොළඹ LNW :
කොළඹ වරාය නගරයේදී චීන ජාතික කණ්ඩායම් දෙකක් අතර ඇති වූ ගැටුමකට සම්බන්ධ වාහනයකින් පිස්තෝලයක් සහ සන්නිවේදන උපකරණයක් සොයාගෙන ඇති බව පොලිසිය පවසයි.
මෙම ගැටුමෙන් චීන ජාතිකයන් දෙදෙනෙකු තුවාල ලබා ප්‍රතිකාර සඳහා පෞද්ගලික රෝහලක් වෙත ඇතුළත් කර ඇති බව පොලිසිය පවසයි.
එම ගැටුම අතරතුර තුවාල ලැබූ බවට සැක කෙරෙන තවත් චීන ජාතිකයෙකු, ඊට සම්බන්ධ ප්‍රතිවිරුද්ධ කණ්ඩායමේ සාමාජිකයන් විසින් එම ස්ථානයෙන් රැගෙන ගොස් ඇති බවට ද තොරතුරු ලැබී ඇතැයි පොලිසිය වැඩිදුරටත් සඳහන් කළේය.
එම ස්ථානයේ තිබී හමුවූ වාහනයක් පරීක්ෂා කිරීමේදී මෙම පිස්තෝලය සහ සන්නිවේදන උපකරණය සොයාගෙන ඇත.
කොළඹ වරාය පොලිසිය සිද්ධිය සම්බන්ධයෙන් වැඩිදුර විමර්ශන සිදු කරයි.
