රෂිකා හෙන්නායක ජූලි 25, ලෝකය (අවුට්බවුන්ඩ් ටුඩේ):
ඉරාන දේශසීමා ජල තීරය ආසන්නයේදී ප්‍රහාරයකට ලක්වූ, මොසැම්බික් ධජය යටතේ යාත්‍රා කළ නෞකාවක සිටි ඉන්දීය කාර්ය මණ්ඩල සාමාජිකයින් 28 දෙනාම ආරක්ෂිතව මුදාගෙන තිබේ.
‘දිශා’ (DISHA) නම් මෙම ටැංකි නෞකාව ඉරාන ජල තීරයට ඇතුළු වෙමින් තිබියදී “සතුරු බලවේග”වල ඉලක්කයක් බවට පත්වීමෙන් අනතුරුව ආපදා සංඥාවක් නිකුත් කල බව සඳහන් වේ.
“සිද්ධිය සිදුවූ වහාම නෞකාව විසින් ඉරාන වෙරළාරක්ෂක බලකාය වෙත ආපදා ඇමතුමක් ලබා දෙන ලදී,” යනුවෙන් ඉරානයේ ඉන්දීය තානාපති මොහොමඩ් ෆතාලි ANI පුවත් සේවයට පවසා ඇත .
“ඊට ප්‍රතිචාර වශයෙන්, අදාළ ඉරාන සමුද්‍රීය සහ මුදාගැනීමේ බලධාරීන් ප්‍රමාදයකින් තොරව එම ස්ථානය වෙත යොදවා කඩිනමින් මුදාගැනීමේ මෙහෙයුම් ආරම්භ කරන ලදී. ඉන්දීය ජාතිකයින් 28 දෙනා ඇතුළු නෞකාවේ සිටි සියලුම කාර්ය මණ්ඩල සාමාජිකයින් ආරක්ෂිතව මුදාගත් අතර ඔවුන් යහපත් සෞඛ්‍ය තත්ත්වයෙන් පසුවන බව වාර්තා වේ.
“කලාපයෙන් පිටත හමුදා බලවේගවල පැවැත්ම සහ මැදිහත්වීම මගින් කලාපයේ ආරක්ෂාව වැඩිදියුණු වී නොමැති බවත්, ඒ වෙනුවට එමගින් උණුසුම් තත්ත්වයන් සහ අස්ථාවරත්වය ඉහළ යාමට දායක වී ඇති බවත් අත්දැකීම් මගින් නැවත නැවතත් තහවුරු වී තිබේ.” හෝර්මුස් සමුද්‍ර සන්ධිය තුළ විදේශීය නාවික හමුදා මැදිහත්වීමක් සිදුවීම පිළිබඳව ෆතාලි අනතුරු ඇඟවීමක් කළේය.
