සටහන – රුවන් නෙළුගොල්ල
අධිකරණයට අපහාස කිරීම සම්බන්ධයෙන් හිටපු අමාත්යවරුන් වන විමල් වීරවංශ, උදය ගම්මන්පිල, පාර්ලිමේන්තු මන්ත්රී දිලිත් ජයවීර, හිටපු ජනාධිපති ගෝඨාභය රාජපක්ෂ මහතාගේ ලේකම්වරයකු වූ සුගීෂ්වර බණ්ඩාර, ශ්රී ලංකා මහජන පක්ෂයේ නායක අසංක නවරත්න සහ ජ්යෙෂ්ඨ කථිකාචාර්ය මහින්ද පතිරණ යන හය දෙනාට එරෙහිව ඉදිරි නීතිමය කටයුතු කිරීම සඳහා අභියාචනාධිකරණයට දැනුම් දීමට තීරණය කළ බව කොළඹ කොටුව මහේස්ත්රාත් පසන් අමරසේන මහතා ඊයේ (05) දැනුම් දී තිබේ.
ඒ, පාස්කු ප්රහාරය සම්බන්ධයෙන් රඳවාගෙන සිටින හිටපු රාජ්ය බුද්ධි ප්රධානී සුරේෂ් සලේ සම්බන්ධයෙන් ඉහත හයදෙනා සිදුකළ ප්රකාශ සහ ඔවුන් විසින් කොටුව දුම්රිය ස්ථානය ඉදිරිපිට සත්යග්රහයක් සිදුකිරීමට අදාළව අපරාධ පරීක්ෂණ දෙපාර්තමේන්තුව දීර්ඝ වාර්තාවක් ඉදිරිපත් කරමින් කළ ඉල්ලීම සලකා බැලීමෙන් අනතුරුව ය.
සුරේෂ් සලේ නමැති සැකකරුට ඇති රෝගී තත්ත්වය සම්බන්ධයෙන් නියෝගයක් ලබා දීමට 2026.06.10 දින නියම කර තිබියදී, 2026.06.07 දින කොටුව දුම්රියපොළ ඉදිරිපිට සත්යග්රහයක් සිදු කරමින් ප්රකාශ සිදු කිරීම හරහා ඔවුන් අධිකරණයට අපහාස කර ඇතැයි බැලූ බැල්මට පෙනීයන බවටයි මහේස්ත්රාත්වරයා එහිදී තීරණය කළේ.
