ණය ගෙවා ගැනීමට නොහැකිවීම හේතුවෙන් වසා දැමීමට තීරණය කර ඇති හෙළ ඇපරල් සමාගමේ තත්වය ශ්රී ලංකාවට පමණක් නොව කෙන්යාවටත් ගැටලුවක් වී ඇති බව වාර්තා වේ.
කෙන්යාවේ නයිරෝබි හි සෙනෙට් සභික එඩ්වින් සිෆුනා මහතා පසුගිය 04 වනදා එරට සෙනෙට් සභාව අමතමින් මේ පිළිබඳ අවධානය යොමුකර ඇත.
එහිදී ඒ මහතා පෙන්වාදී ඇත්තේ මේ වන විට නයිරෝබි හි Hela Intimates EPZ Ltd කර්මාන්ත ශාලාවේ සේවය කළ සේවකයින් 3,000කගේ පමණ වැටුප් ගෙවීම් ප්රමාද වී ඇති බවයි. එසේම වැටුප්වලින් කරන ලද අනිවාර්යය අඩු කිරීම් නියමිත පරිදි ප්රේෂණය කර නොමැති බවත් අනාවරණය කර ඇති ඒ මහතා සේවයෙන් ඉවත් වූවන් හට වන්දි ගෙවීම් ද සිදුකර නොමැති බවත් සඳහන් කර තිබේ.
ඒ අනුව, කර්මාන්තශාලවේ සේවය කරන සේවකයින්ට හා සැපයුම්කරුවන් හට අදළා ගෙවීම් සිදු නොකර එහි මෙහෙයුම් අත්හිටුවීමට සමාගම කටයුතු කරන්නේ නම් ඒ පිළිබඳව විමර්ශනයක් සිදුකරන ලෙසත් ඉල්ලා ඇත.
මූල්ය අර්බුදය විසඳා ගැනීමට නොහැකිවීම නිසා හෙළ ඇපරල් හෝල්ඩිංස් සමාගම අධිකරණය හරහා ඈවර කිරීමට එහි අධ්යක්ෂ මණ්ඩලය පසුගිය සතියේදී තීරණය කර තිබූ අතර ඊට අදාළ පෙත්සම් ද වාණිජ මහාධිකරණය වෙත යොමුකර තිබිණි.
