ශ්‍රී ලංකාවට පාර්සල් එවීමේදී ශ්‍රී ලංකා රේගු දෙපාර්තමේන්තුවේ ලියාපදිංචි නොවූ ඒජන්සි හරහා එම පාර්සල් එවීමෙන් වැළකී සිටින ලෙස ශ්‍රී ලංකා රේගුව පවසයි.
විදෙස්ගත ශ්‍රී ලාංකිකයන්ට නිවේදනයක් නිකුත් කරමින් රේගුව අවධාරණය කරන්නේ, ශ්‍රී ලංකාවට පාර්සල් එවීමේදී රේගු දෙපාර්තමේන්තුවේ ලියාපදිංචි වූ ඒජන්සි හරහා පමණක් එම පාර්සල් එවන ලෙසයි.
මෙරටට එවන ලද පාර්සල් බොහොමයක් නැතිවී හෝ ලැබෙන විට පළුදු වී ඇති බවට පැමිණිලි ගණනාවක් ලැබී ඇති බවත්, මේ පිළිබඳව දියත්කරන ලද විමර්ශනයකින් අනාවරණය වී ඇත්තේ එකී පාර්සල් ලංකාවට එවා තිබෙන්නේ රේගු දෙපාර්තමේන්තුවේ ලියාපදිංචි නොවූ ඒජන්සි හරහා බවත් එම නිවේදනයේ වැඩිදුරටත් දැක්වෙයි.
එබැවින්, මෙරටට පාර්සල් එවීමේදී දෙපාර්තමේන්තුවේ ලියාපදිංචි වූ ඒජන්සි හරහා පමණක් එවන මෙන් සියලු විදෙස්ගත ශ්‍රමිකයන්ගෙන් ඉල්ලා සිටින බව රේගුව පවසයි.
MIAP
