ජපානයේ නිළ සංචාරයක නිරතව සිටින ජනාධිපති රනිල් වික්‍රමසිංහ මහතා අද ජපාන අග්‍රාමාත්‍යවරයා හමුවීමට නියමිතය. ඊට අමතරව ජපාන අධිරාජ්‍යයා ද හමුවීමට නියමිත බවයි ජනාධිපති මාධ්‍ය අංශය පවසන්නේ.
වික්‍රමසිංහ මහතාගේ ජපාන සංචාරය අවසන් කරමින් අද පිලිපීනය බලා පිටත්ව යාමට නියමිතය. ඒ, එරටදී ආරම්භ වන ආසියානු සංවර්ධන බැංකුවේ අධිපතිවරුන්ගේ සමුළුවට සහභාගිවීම සඳහායි. මෙවර සමුළුවේ මුලසුන ශ්‍රී ලංකාවට හිමිව තිබේ.
පිලිපීනයේ රැඳී සිටින කාලය අතරතුර රනිල් වික්‍රමසිංහ මහතා ආසියානු සංවර්ධන බැංකුවේ සභාපතිවරයා හමුවීමට නියමිත අතර ඉන් අනතුරුව පිලිපීන ජනාධිපතිවරයාද හමුවීමට නියමිතය.
ණය ප්‍රතිව්‍යූහගත කිරීම සම්බන්ධයෙන් මේ දිනවල ශ්‍රී ලංකාව ණයහිමි රටවල් සහ සංවිධාන සමග සාකච්ඡා පවත්වමින් සිටින අතර මේ නිසා ජනාධිපතිවරයාගේ පිලිපීන සංචාරය අතිශය තීරණාත්මක වනු ඇත.
UN
