රත්ගම පොලිස් වසමට අයත් මෝරොවියාවත්ත ප්රදේශයේදී ඊයේ (28) රාත්රී 7.50ට පමණ වෙඩිතැබීමක් සිදුව තිබේ.
යතුරුපැදියකින් ගමන් කරමින් සිටි තරුණයකුට නාඳුනන තුවක්කුකරුවකු විසින් T56 වර්ගයේ ගිනිඅවියකින් මෙම වෙඩිතැබීම සිදුකර පළාගොස් ඇති බව සඳහන්.
මෙහිදී රත්ගම, මෝරොවියාවත්ත ප්රදේශයේ පදිංචි මාවඩවිලගේ මලිදු ප්රසන්න මෙන්ඩිස් නැමැති තරුණයා තුවාල ලබා ඇති අතර ඔහු රත්ගම ප්රාදේශීය රෝහලට ඇතුළත් කර වැඩිදුර ප්රතිකාර සඳහා කරාපිටිය ශික්ෂණ රෝහල වෙත මාරු කර යවා ඇත.
ඔහුගේ වම් පාදයට වෙඩි උණ්ඩ තුනක් පමණ වැදී ඇති බවත් සඳහන්.
සිද්ධිය සම්බන්ධයෙන් රත්ගම පොලීසිය වැඩිදුර විමර්ශන සිදුකරයි.
