පොලිස් මත්ද්‍රව්‍ය කාර්යාංශය භාර ජ්‍යේෂ්ඨ නියෝජ්‍ය පොලිස්පති රන්මල් කොඩිත්තුවක්කු මහතා ඇතුළු නිලධාරීන් 06 දෙනෙකුට ස්ථානමාරු ලබාදීම සඳහා පොලිස්පතිවරයා කර ඇති නිර්දේශයට අනුමැතිය ලබාදීම ජාතික පොලිස් කොමිසම විසින් ප්‍රතික්ෂේප කර ඇති බව වාර්තා වේ.
ඒ, එම කොමිසම අද (01) රැස්වූ අවස්ථාවේදී ය.
කොළඹ වරාය පරිශ්‍රයේ කන්ටේනර් දෙකක තිබී අයිස් මත්ද්‍රව්‍ය කිලෝග්‍රෑම් 472ක් අත් අඩංගුවට ගැනීමේදී රාජකාරි පැහැර හැරිය බවට එල්ල කර ඇති චෝදනාවක් මත මෙසේ එම නිලධාරීන් 06 දෙනා ස්ථාන මාරු කිරීමට පොලිස්පතිවරයා නිර්දේශ කර තිබිණි.
