කළුතර දිස්ත්‍රික් යෞවන ක්‍රීඩා උළෙලේ සමාප්තිය…

රෂිකා හෙන්නායක ඔක්තෝබර් 05, කොළඹ LNW :

36 වන ජාතික යෞවන ක්‍රීඩා උළෙලට (2026) සමගාමීව සංවිධානය කෙරුණු ‘කළුතර දිස්ත්‍රික් ක්‍රීඩා උළෙලේ’ සමාප්ති උත්සවය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ඊයේ (04) පස්වරුවේ බණ්ඩාරගම, සිරි පියරතන මාවතේ පිහිටි කළුතර දිස්ත්‍රික් ක්‍රීඩා සංකීර්ණයේදී ඉතා උත්කර්ෂවත් අන්දමින් පැවැත්විණි.

නිරෝගී මෙන්ම ක්‍රීඩා කුසලතාවලින් පිරිපුන් තරුණ පරපුරක් රටට දායාද කිරීමේ ජාතික වැදගත්කම මෙහිදී අවධාරණය කළ අමාත්‍ය වෛද්‍ය නලින්ද ජයතිස්ස මහතා, මෙවැනි ක්‍රීඩා උළෙලවල් හරහා දිස්ත්‍රික් මට්ටමින් මතුවන දක්ෂතා සහිත ක්‍රීඩක ක්‍රීඩිකාවන් ජාතික මට්ටම කරා ඔසවා තැබීම සඳහා රජය ක්‍රියාත්මක කර ඇති නව වැඩපිළිවෙල පිළිබඳව ද පැහැදිලි කළේය.

තරගාවලියේදී සුවිශේෂී දක්ෂතා දැක්වූ ක්‍රීඩක ක්‍රීඩිකාවන් ඇගයීමට ලක් කරමින් ඔවුන් වෙත සහතික පත්‍ර, පදක්කම් සහ කුසලාන ප්‍රදානය කිරීම අමාත්‍යවරයා ඇතුළු ආරාධිත අමුත්තන්ගේ අතින් මෙහිදී සිදු කෙරිණි. මෙවර කළුතර දිස්ත්‍රික් ක්‍රීඩා උළෙලේ සමස්ත ශූරතාවය දිනාගැනීමට පානදුර ප්‍රාදේශීය ලේකම් කොට්ඨාසය සමත් වූ අතර, එහි අනුශූරතාවය මතුගම ප්‍රාදේශීය ලේකම් කොට්ඨාසය විසින් හිමිකර ගන්නා ලදී.

මෙම ක්‍රීඩා උළෙල සාර්ථක කර ගැනීම සදහා ප්‍රධාන අනුග්‍රාහක භවතුන් ලෙස Wasana Bakers ආයතනය සහ Gihan Digital Printing Lab ආයතනය කටයුතු කර තිබුණි.

Share post:

spot_imgspot_img

Popular

More like this
Related

ඉතිහාසයේ අද වැනි දිනක: ඇමෙරිකානු ජනාධිපති ජෝන් එෆ්. කෙනඩි ඝාතනයට ලක්වෙයි

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 22 : 1963 නොවැම්බර්...

වහාම ක්‍රියාත්මක වන පරිදි නියෝජ්‍ය පොලිස්පතිවරුන් 06 දෙනෙකුට ස්ථාන මාරු

සටහන - රුවන් නෙළුගොල්ල නියෝජ්‍ය පොලිස්පතිවරුන් 06 දෙනෙකුට වහාම ක්‍රියාත්මක...

ඉරාන ප්‍රහාරයකින් බහරේනයේ කාර්මික මධ්‍යස්ථානයක ගින්නක්

සටහන: සශිකලා මධුෂාණීලෝකය(අවුට්බවුන්ඩ් ටුඩේ) නොවැම්බර් 22 : ඉරානය විසින්...

වැසි තත්වයේ වෙනසක් – අද (22) කාලගුණය

අද (නොවැම්බර් 22) දිනයේදී උතුරු සහ නැගෙනහිර පළාත්වල වැසිවාර...