රෂිකා හෙන්නායක ඔක්තෝබර් 06, කොළඹ LNW :
තලංගම පොලිස් ස්ථානයේ නිලධාරීන් විසින් විදේශීය ජාතිකයින් අට දෙනෙකු අන්තර්ජාලය ඔස්සේ නීතිවිරෝධී ලෙස ඔට්ටු ඇල්ලීමේ සූදු ක්‍රීඩාවක නිරත වීම සම්බන්ධයෙන් අත්අඩංගුවට ගෙන ඇත.
තලවතුගොඩ ප්‍රදේශයේ පිහිටි නිවසක මෙම නීතිවිරෝධී ක්‍රියාව සිදුවන බවට ලැබුණු තොරතුරක් මත, කඩුවෙල මහෙස්ත්‍රාත් අධිකරණයේ සෝදිසි වරෙන්තුවක් පදනම් කරගනිමින් පොලිස් කණ්ඩායම් කිහිපයක් ඒකාබද්ධව මෙම වැටලීම ක්‍රියාත්මක කර තිබේ.
එහිදී එම ස්ථානයේ සිටි වයස අවුරුදු 22ත් 51ත් අතර ඉන්දියානු ජාතිකයින් පිරිසක් මෙලෙස නීතියේ රැහීට හසුකරගෙන ඇත.
සැකකරුවන් සතුව තිබී පරිගණක යන්ත්‍ර, ජංගම දුරකථන 39ක් සහ තවත් විවිධ තාක්ෂණික උපාංග රැසක් පොලිස් භාරයට ගෙන තිබේ. මේ වන විට අදාළ සිද්ධිය සම්බන්ධයෙන් තලංගම පොලීසිය විසින් වැඩිදුර විමර්ශන සිදුකරමින් පවතී.
