රෂිකා හෙන්නායක ඔක්තෝබර් 07, කොළඹ LNW :
මාතර මහාධිකරණයේදී පැවැත්වුණු නඩුවකට අදාළව, හිටපු පොලිස්පති දේශබන්දු තෙන්නකොන් ඇතුළු සැකකරුවන් අට දෙනෙකුට එරෙහිව අධි චෝදනා භාර දෙන ලදී.
මෙම නඩුව මුල් වී ඇත්තේ 2023 දෙසැම්බර් 31 වැනි දින වැලිගම පැලෑන ප්‍රදේශයේ හෝටලයක සිදු වූ වෙඩි තැබීමේ සිද්ධියක් සම්බන්ධයෙනි.
අපරාධ පරීක්ෂණ දෙපාර්තමේන්තුව විසින් විමර්ශන පවත්වනු ලබන මෙම නඩුව, මාතර ප්‍රධාන මහාධිකරණ විනිසුරු නන්දන අමරසිංහ මහතා ඉදිරියේ කැඳවා තිබේ.
එහිදී සැකකරුවන් සෑම අයෙකුටම රුපියල් දෙලක්ෂ පනස්දහසක මුදල් ඇපයක් සහ ලක්ෂ 50 බැගින් වූ ශරීර ඇප හතරක් මත මුදා හැරීමට නියෝග කෙරිණි.
එම ඇපකරුවන්ගෙන් දෙදෙනෙක් ළඟම ඥාතීන් විය යුතු බවටද කොන්දේසියක් පනවා ඇති අතර, නඩුව යළිත් නොවැම්බර් 27 වන දින කැඳවීමට නියමිතය.
