රෂිකා හෙන්නායක නොවැම්බර් 09, කොළඹ LNW:
කොළඹ කොටස් වෙළෙඳපොළේ සියලු කොටස් මිල දර්ශකය මාස දෙකකට පමණ පසු යළිත් ඒකක 21,500 සීමාව ඉක්මවා යෑමට සමත්ව ඇත.
මෙම දර්ශකය අද දින ඒකක 291.72කින් ඉහළ ගොස්, ගනුදෙනු අවසානයේ ඒකක 21,531.37ක් ලෙස සටහන් වී තිබේ.
ඒ අනුව, අඛණ්ඩව සිව්වන දිනටත් වෙළෙඳපොළ වර්ධනයක් පෙන්නුම් කර ඇති අතර, ගත වූ දින පහ තුළ සමස්ත වර්ධනය ඒකක 1,452.1ක් ලෙස වාර්තා විය.
ඊට අමතරව, S&P SL20 දර්ශකය ද ඉහළ ගොස් ඒකක 6,143.15ක් බවට පත්ව ඇත. අද දින මුළු කොටස් වෙළෙඳපොළ පිරිවැටුම රුපියල් බිලියන 3.33ක් ලෙස සටහන් වූ අතර, සමාගම් 168ක කොටස් මිල ඉහළ ගොස් තිබේ.
