සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) නොවැම්බර් 13: බහරේනයේ පිහිටි ඇමෙරිකානු රේඩාර් මධ්‍යස්ථානයක් ඉලක්ක කරගනිමින් මීට සුලු මොහොතකට පෙර ඉරානය ප්‍රහාරයක් එල්ල කළ බව ඉරානයේ විප්ලවීය ආරක්ෂක හමුදාව (IRGC) ප්‍රකාශ කර තිබේ.
ඉරාන ආරක්ෂක හමුදාව සඳහන් කරන්නේ, ඉරානයේ දකුණු හෝර්මොස්ගන් පළාතේ පිහිටි විදුලි සංදේශ කුළුණකට එල්ල වූ ප්‍රහාරයකට ප්‍රතිචාර වශයෙන් මෙම ප්‍රහාරය සිදුකළ බවයි.
කෙසේ වෙතත්, රේඩාර් මධ්‍යස්ථානයට සිදු වූ හානිය හෝ ප්‍රහාරයේ සාර්ථකත්වය සම්බන්ධයෙන් ස්වාධීන තහවුරු කිරීමක් මෙතෙක් ලැබී නොමැති අතර බහරේනයේ ඇමෙරිකානු නාවික හමුදාවේ පස්වැනි බලඇණියේ මූලස්ථානය පිහිටා ඇති බැවින් මෙම සිදුවීම මැදපෙරදිග කලාපයේ ආරක්ෂක තත්ත්වය පිළිබඳව යළිත් අවධානය යොමු කර තිබේ.
