කොළඹ කොටස් වෙළෙඳපොළ මිල දර්ශකවල කැපීපෙනෙන පහළ යාමක් අද (16) දිනයේ දී වාර්තා වී තිබේ.
ඒ අනුව, සියලු කොටස් මිල දර්ශකය ඒකක (ASPI) 291.81ක පහළ යාමක් වාර්තා කළ අතර දිනයේ ගනුදෙනු අවසානයේ දී එය ඒකක 21,732.37ක් ලෙසින් සටහන්ව තිබිණි.
එසේම S&P SL20 මිල දර්ශකය ද අද දිනයේදී ඒකක 93.88කින් පහළ ගොස් ගනුදෙනු අවසානයේදී ඒකක 6,199.84ක් වශයෙන් සටහන් විය.
කෙසේවෙතත් මිල දර්ශකවල පහළ යාම මධ්යයේ වුවත් අද දිනයේදී රුපියල් බිලියන 10.47ක දැවැන්ත ගනුදෙනු පිරිවැටුමක් වාර්තා වී තිබිණි.
එහිදී කාගිල්ස් (සිලෝන්) සමාගමේ කොටස් ගනුදෙනු හරහා රු. බිලියන 4.45ක පිරිවැටුමක් සහ CONVENIENCE FOODS LANKA PLC සමාගමේ කොටස් ගනුදෙනු හරහා රු. බිලියන 3.98ක පිරිවැටුමක් වාර්තා වීම මීට ප්රධාන වශයෙන් දායක විය.




