ජාතික වෙඩි තැබීමේ සුරතාවලිය කළුතර දී

ඉලක්කයට වෙඩි කැබිමේ ජාතික සූරතාවලිය මෙවර පැවත්වෙන්නේ කළුතර පයාගල වෙඩි පිටියේදී ය.ඔක්තෝම්බර් 22 සහ 23 යන දෙදින තුළ තරගාවලිය පැවත්වෙන අතර ඒ සඳහා දිවයිනේ ජාතික වෙඩිතැබීමේ ක්‍රීඩා සම්මේලනයේ ලියාපදිංචි ක්‍රීඩා සමාජ සියල්ලම සහභාගි වනු ඇති බව එම සංගමය ප්‍රකාශ කරයි.

ජාත්‍යන්තර වෙඩි තැබීමේ නව නීති යටතේ මෙම තරගාවලිය පැවත්වෙන අතර මෙහි දස්කම් ජාතික සංචිතය නම් කිරීම සඳහා යොදා ගැනීමට නියමිත බැවින් සහභාගීත්වය මෙන්ම තරගකාරීත්වයද ඉහළ මට්ටමක පවතිනු ඇතැයි අපේක්ෂා කෙරේ.

තරග, කණ්ඩායම්, යොවුන්/කනිෂ්ඨ, විවෘත, ප්‍රවීන,පිරිමි සහ කාන්තා වශයෙන් ද සමස්ත සූරතාවය සඳහා අදාළ වන පරිදි ද තරග පැවත්වෙනු ඇත.

RM